My naam is Caroline Smith en dit is vir my ‘n voorreg om in 2019 by Kontiki aan te sluit.

Ek het in Bloemfontein studeer en my B-Ed graad in voltooi. Ek het ‘n jaar skoolgehou en toe my man Juan ontmoet.

Ek het ‘n passie en liefde vir kinders en is self geseënd met 2 dogters en ‘n seun. Wat ‘n voorreg was dit om vir 11 jaar elke dag deel van hulle fisiese, geestelike en emosionele ontwikkeling te kon wees, voor ek weer begin skool hou het. Dit het my empatie, liefde, deursettingsvermoë en tonne geduld geleer.

My doel is om elke kindjie te help ontwikkel tot die beste van sy of haar vermoëns en hulle op te dra aan ons Hemelse Vader vir wie niks onmoontlik is nie.